Make your own free website on Tripod.com

王傑袁潔瑩緋聞再被擺上檯

雷宇揚為商台主持的新靈幻節目《靈幻搜奇》,今日舉行開咪儀式,節目中的廣播劇環節《高校怪談》請來王傑、袁潔瑩、李麗珍、張智霖及羅蘭主演,一班客串嘉賓也齊齊進行錄音及切燒豬儀式。
王傑與Fennie(袁之洋名)這對緋聞男女齊齊出現,自然成為焦點,主持人雷宇揚亦唔放過機會,擺他們上檯博宣傳。 對於與王傑再見面,Fennie表現得非常大方,聞王傑到來時一臉倦容,也特別走入錄音室看他,更笑說:「佢(王傑)唔倦,不過個頭好似好耐冇洗!」Fennie坦言緋聞傳得好天馬行空,令人誤會她與楊恭如「爭仔」,不過也只好「笑下便算」。但雷宇揚卻對他們的緋聞死纏不放,大爆Fennie見到他及Chi Lam(張之洋名)也「冇厘神氣」,見到王傑即生猛晒,而王傑亦除辮梳頭,整靚個樣才一齊錄音!Fennie聞言即反擊說:「今日我都冇見過Chi Lam(因病一早離開了。),王傑除辮係雷宇揚叫之嘛!隔了兩個月才身,真係要捉雷宇揚去勞改!不過算啦,當係送俾阿雷的新年禮物啦!」 另邊廂,王傑更慘追問他與Fennie是否合襯?Fennie有何優點?令王傑非常冇癮,表示與Fennie「冇機會發展,冇可能」,更對雷想塑造他們成「新金童玉女」,強烈反應道:「唔好搞呢D啦!」