Make your own free website on Tripod.com

Diary

 

30/12/99

嘩!!!這是y2k前最後一次update呢!!!...本來真係好應該出去倒數啦...可惜要考試...咩mood都冇晒...T_T...惟一o既希望係留番o係屋企睇luna sea個start up gig一齊倒數啦...最重要係唔好有人搔擾我^^;....

講番今年去個christmas ball...經過上年悶o左成晚o既ball, 我今年都冇諗住去架喇...不過今年係我o的friend攪, 而且又有band睇...咁就去啦!!!...唉!!!最後悔o既真係睇唔到tat filp...仲有見唔到世榮添...真失敗...有beyond睇住...我諗tat filp都應該得架啦....好想睇LMF呀!!!

um...今個sem掛住返工...真係走o左好多堂...而家最驚o既係account...希望真係唔駛retake啦...淨係呢科唔掂咋...好驚呀!!!>o<

01/12/99

終於睇晒全套絕代雙驕...發覺原著比電視劇好睇好多...而家又睇番倚天o...唉...十二月喇...剩番個幾禮拜我就死梗啦!!! o的test同present迫住晒o係一個禮拜內做...叫我點返工!!!...邊有錢換電話???

christmas個假我都係冇得去街架喇...放完假之後就要考試喇...我連依家教到邊我都唔知呀...o個個禮拜睇怕連訓都冇得訓啦...淨係可以去個ball咋...

最後...近來極力推薦椎名林檎...o岩o岩出o個時已經想聽...而家聽到...仲正...唔怪得sugi都話好啦...跟住一定要搵limp bikzit聽!!!

16/11/99

唉~~~請o左假成個禮拜...結果習又溫得唔多, 錢又不停咁用...而家又冇心情去返工...>o<...唔得...今個禮拜一定要搵多o的...希望得啦!!

好想換個電話呀...個contract又未完...依家每個月又爆晒o的分鐘...又收得唔好...唉!!!

 

12/11/99

今個禮拜有個f.6o既同學o係澳洲度番o左o黎...遲o的一定要同佢地去食餐飯...聽佢講o係o個邊讀都ok...唉~~~如果我o個時都過埋去...我諗我o既生活一定唔同依家咁喇...不過都冇得如果架囉..>_<

近來睇完個band show之後又令我再次留意本地bands...唉~~~不過唔知點解...係咪hk人唔鍾意band???定係hk人接觸得太少???...點解仍然有好多人覺得鍾意聽bando既就係特別???唔計我鍾意visual rock...可能真係有好多人接受唔到...但係究竟hk人鍾意睇靚仔定係想聽音樂架???...都唔知自己講乜喇...^^;

06/11/99

噢~~~測驗同project都要唔多要開始做喇...我唯有放棄搵錢啦...但街仍然都要去...咁邊有錢呢!!!...唉...

尋晚睇完city今年o既band show...唉...仍然都係冇改善...仲差過舊年添...悶到我訓著...竟然有o的妹妹仔特登o黎睇zen喎...仲識背晒o的歌詞添...諗番原來舊年有scaffold同tat flip喎...唔怪得之唔同o的啦...呀...仲有唔知點解有o的新band好有日本feel...o的vocal個個都好高音...同龍太郎有得比呀...

28/10/99

Cityu下個禮拜五又有band show睇啦...今年唔公平啦...咁多隊band仲有o的都幾出名添...攪到我鬼咁想睇o 不過o係city睇band show好無mood...坐晒o係度睇都唔知為乜>_<.

點解依家o的小學生程度可以差到咁o架....救命!!!簡直o係度唗緊我o的時間,搞到我冇時間傾present...

今日終於錄o左plastic tree隻MD喇!!!yeah...龍太郎!!!^o^...下次o既目標o係laputa...Aki!!!仲有...今晚好彩我唔駛返工, 竟然俾我睇到sugi電視訪問...哈哈!!!...sugi!!!

 

26/10/99

其實一直都好想o係度加頁日記, 不過以前o的中文實在打得太慢,而且又冇乜時間,咁就費事搵野黎煩啦...近來實在太忙喇...要搵o的野黎發洩o下o

上個禮拜真係過得好充實, 好耐都未試過狂去街o 淨係返工,補習, 同返學已經冇時間淨...仲要唱k, 睇laputa, 同去返以前屋企做中文考察, 我o的堂差唔多走o左大半, 都唔知我點讀落去...唉...夠鐘補習, 本來諗住講laputa個show, 依家又要等下個禮拜喇.>o<