Make your own free website on Tripod.com

Introdusaun

Jose Lobato, Timor Aid

 

Inan-aman, Maun alin sira,

Molok ita atu hahú ita nia konférensia ne’e hau atu hato’o obrigado barak ba ita nia presencia iha seremonia loke ne’e. Hanesan ita hotu hatene ita nia konfrénsia hahú loron ne’e 25 Janeiro to’o 31 Janeiro 2001.

                                                                   

Definisaun kona ba dezenvolvimento sustentavel dehak, dezenvolvimento ida ne’ebe bele sustenta nesesidade ohin loron nian maibe la halo compremisu ka halo la susar ba jerasaun aban bain rua. Ha’u hanoin fali ba espresaun ida iha Bapa nia tempo ne’ebe dehan “dunia ini bukan milik kita tapi pinjaman anak cucu kita”, “mundo ne’e laos ita nian maibe buat ida ita impresta husi ita nia be-oan sira”.  Buat ida ita impresta ita tenke fo fila fali ho kondisaun didiak.  Ita nia ai-laran buat ida ne’ebe ita tenke entrega fali ba ita nia be-oan sira.  Se ita tesi ai-naa  (Rose wood), ai-kameli (sandalwood), ai-teka (teak), hotu fa’an fali, ita bele halo osan barak. Maibe se ita koa ita nia ai-hotu agora aban bain rua, ita nia be-oan sira la hetan tan ai-laran, hetan deit deserta ida. Ohin loron Timor nia rendementu ka osan ne’ebe ita simu kiik liu ita nia kusta. Iha tinan 2004 ka 2005 bainhira ita hahu atu simu osan husi projetu gas ho mina rai Timor Gap maka ita nia rendementu bele boot liu ita nia kusta. Maibe ita la bele depende deit ho mina rai. Tamba loron ida mina rai sei hotu. Ita tenke buka dalan atu hetan osan husi kafe, ikan pesca, turismo, agricultura, ho husi foresta, no tan buat selu-seluk.

 

Ho konferensia ne’e ita haklibur ema matenek nain sira husi liur ho husi Timor Lorosae nia laran atu halo dialogu, atu hare problema desenvolvimento Timor Lorosa’e ho atu hetan solusaun ba problema ne’e tuir principiu desenvolvimento sustentavel nian. Resultadu ne’ebe ita hetan iha konferensia ne’e, UNTAET, governo tranzitoriu, ho governo aban loron bele uza iha ba plano dezemvolvimento aban bain rua.