ROSARIUM
+ In Nomine Patris et Filii et Spiritus
Sancti. Amen
Symbolum Apostolorum
Credo in Deum, Patrem omnipotentem, Creatorem
caeli et terrae. Et in Jesum Christum, Filium ejus unicum, Dominum nostrum:
qui conceptus est de Spiritu Sancto, natus ex Maria Virgine, passus sub
Pontio Pilato, crucifixus, mortuus, et sepultus: descendit ad inferos;
tertia die resurrexit a mortuis; ascendit ad caelos; sedet ad dexteram
Dei Patris omnipotentis: inde venturus est judicare vivos et mortuos. Credo
in Spiritum Sanctum, sanctam Ecclesiam catholicam, sanctorum communionem,
remissionem peccatorum, carnis resurrectionem, vitam aeternam. Amen.
|
Oratio Dominica
Pater noster, qui es in caelis, sanctificetur
nomen tuum. Adveniat regnum tuum. Fiat voluntas tua, sicut in coelo et
in terra. Panem nostrum quotidianum da nobis hodie. Et dimitte nobis debita
nostra, sicut et nos dimittimus debitoribus nostris. Et ne nos inducas
in tentationem: sed libera nos a malo. Amen.
|
Doxologica minor
Gloria Patri et Filio et Spiritui Sancto, sicut
erat in principio, et nunc, et seper, et in saecula saeculorum. Amen.
|
Salutatio angelica
Ave Maria, gratia plena; Dominus tecum; benedicta
tu in mulieribus, et benedictus fructus ventris tui Jesus. Sancta Maria,
Mater Dei, ora pro nobis peccatoribus, nunc et in hora mortis nostrae.
Amen.
|
Oratio fatima
Domine Jesus, dimitte nobis debita nostra, salva nos ad igni inferiori, perduc in caelum omnes animas, praesertim eas, quae misercordiae tuae maxime indigent. Amen. |
SALVE REGINA
Salve, Regina, mater misericordiae; vita, dulcedo
et spes nostra,
salve. Ad te clamamus, exsules filii Hevae.
Ad te suspiramus, gementes
et flentes in hac lacrimarum valle. Eia
ergo, advocata nostra,
illos tuos misericordes oculos ad nos converte.
Et Iesum, benedictum fructum
ventris tui, nobis post hoc exsilium ostende.
O clemens, o pia,
o dulcis Virgo Maria.
V. Ora pro nobis, Sancta Dei Genetrix.
R. Ut digni efficiamur promissionibus Christi.
ANGELUS
V. Angelus Domini nuntiavit Mariae.
R. Et concepit de Spiritu Sancto.
Ave, Maria, gratia plena, Dominus tecum; benedicta
tu in mulieribus,
et benedictus fructus ventris tui, Iesus.
Sancta Maria, mater Dei,
ora pro nobis peccatoribus, nunc et in hora mortis
nostrae. Amen.
V. Ecce ancilla Domini,
R. Fiat mihi secundum verbum tuum.
Ave, Maria, gratia plena, Dominus tecum; benedicta
tu in mulieribus,
et benedictus fructus ventris tui, Iesus.
Sancta Maria, mater Dei,
ora pro nobis peccatoribus, nunc et in hora mortis
nostrae. Amen.
V. Et Verbum caro factum est,
R. Et habitavit in nobis.
Ave, Maria, gratia plena, Dominus tecum; benedicta
tu in mulieribus,
et benedictus fructus ventris tui, Iesus.
Sancta Maria, mater Dei,
ora pro nobis peccatoribus, nunc et in hora mortis
nostrae. Amen.
V. Ora pro nobis, sancta Dei Genetrix,
R. Ut digni efficiamur promissionibus Christi.
Oremus. Gratiam tuam, quaesumus, Domine,
mentibus nostris infunde;
ut qui, Angelo nuntiante, Christi Filii tui incarnationem
cognovimus,
per passionem eius et crucem ad resurrectionis
gloriam perducamur.
Per eumdem Christum Dominum nostrum.
R. Amen.
MEMORARE
Memorare, o piisima Virgo Maria, non esse auditum
a saeculo, quemquam ad tua currentem praesidia,
tua implorantem auxilia, tua petentem suffragia
esse derelicta. Nos tali animati confidentia
ad te,
Virgo Virginum, Mater, currimus; ad te venimus;
coram te gementes peccatores assistimus.
Noli, Mater Verbi, verba nostra despicere,
sed audi propitia et exaudi.
R. Amen.
MAGNIFICAT
Magnificat anima mea Dominum:
et exsultavit spiritus meus in Deo, salutari
meo.
Quia respexit humilitatem ancillae suae:
ecce enim ex hoc beatam me dicent omnes
generationes.
Quia fecit mihi magna qui potens est: et sanctum
nomen eius.
Et misericordia eius a progenie in progenies
timentibus eum.
Fecit potentiam in bracchio suo: dispersit superbos
mente cordis sui.
Deposuit potentes de sede, et exaltavit humiles.
Esurientes implevit bonis: et divites dimisit
inanes.
Suscepit Israel, puerum suum, recordatus misericordiae
suae.
Sicut locuts est ad patres nostros, Abraham et
semini eius in saecula.
Gloria Patri, et Filio, et Spiritui Sancto.
Sicut erat in principio, et nunc, et semper,
et in saecula saeculorum. Amen.
ATTENDE DOMINE
R: Attende Domine, et miserere, quia peccavimus
tibi.
Ad te Rex summe, omnium redemptor, oculos nostros
sublevamus flentes: exaudi,
Christe, supplicantum preces. R.
Dextera Patris, lapis angularis, via salutis,
ianua caelestis, ablue nostri maculas delicti. R.
Rogamus, Deus, tuam maiestatem: auribus sacris
gemitus exaudi: crimina nostra placidus indulge. R.
Tibi fatemur crimina admissa: contrito corde
pandimus occulta: tua Redemptor pietas ignoscat. R.
Innocens captus, nec repugnans ductus, testibus
falsis pro impiis damnatus: quos redemisti, tu conserva, Christe. R.
ACTUS FIDEI
Deus meus, firmiter credo Te esse unum Deum in
tribus distinctis
Personis, Patre, Filio et Spiritu Sancto; et
Filium propter nostram
salutem incarnatum, passum et mortuum esse, resurrexisse
a mortuis,
et unicuique pro meritis retribuere aut praemium
in Paradiso aut poenam in
Inferno. Haec ceteraque omnia quae credit
et docet catholica Ecclesia,
credo qui Tu ea revelasti, qui nec ipse falli
nec nos fallere potes.
ACTUS SPEI
Deus meus, cum sis omnipotens, infinite misericors
ed fidelis, spero Te
mihi daturum, ob merita Iesu Christi, vitam aeternam
et gratias
necessarias ad eam consequendam, quam Tu promisisti
iis qui bona opera
facient, quemadmodum, Te adiuvante, facere constituo.
ACTUS CARITATIS
Deus meus, ex toto corde amo Te super omnia, quia
es infinite bonus et
infinite amabilis; et ob amorem Tui proximum
meum diligo sicut meipsum,
eique, si quid in me offendit, ignosco.
ACTUS CONTRITIONIS
Deus meus, ex toto corde poenitet me omnium meorum
peccatorum, eaque
detestor, quia peccando, non solum poenas a Te
iuste statutas promeritus
sum, sed praesertim quia offendi Te, summum bonum,
ac dignum qui super
omnia diligaris. Ideo firmiter propono,
adiuvante gratia Tua, de cetero
me non peccaturum peccandique occasiones proximas
fugiturum.
ORATIO AD ANGELUM CUSTODEM
Angele Dei, qui custos es mei, me, tibi commissum
pietate superna,
illumina, custodi, rege et guberna. Amen.
ORATIO PRO FIDELIBUS DEFUNCTIS
Requiem aeternam dona eis, Domine, et lux perpetua
luceat eis.
Requiescant in pace. Amen.
BENEDICTIONES MENSAE
ANTE PRANDIUM
S: Benedicite.
R: Benedicite.
S: Oculi omnium
And all continue: in te sperant, Domine,
et tu das illis escam in
tempore opportuno. Aperis tu manum tuam,
et imples omne animal in
benedictione. Gloria Patri, et Filio, et
Spiritui Sancto. Sicut erat
in principio, et nunc, et semper, et in saecula
saeulorum. Amen.
Kyrie eleison. Christe eleison. Kyrie
eleison.
Pater noster...
V. Et ne nos inducas in tentationem.
R. Sed libera nos a malo.
S: Benedic, Domine, nos et haec tua dona,
quae de
tua largitate sumus sumpturi. Per Christum
Dominum nostrum.
R. Amen.
Then the Priest says: Iube, domne, benedicere.
S: Mensae caelestis participes faciat nos
Rex aeternae
gloriae.
R. Amen.
POST PRANDIUM
S: Tu autem, Domine, miserere nobis.
R. Deo gratias.
S: Confiteantur tibi, Domine, omnia opera
tua.
R. Et sancti tui benedicant tibi. Gloria
Patri, et Filio, et Spiritui
Sancto. Sicut erat in principio, et nunc,
et semper, et in saecula
saeculorum. Amen.
S: Agimus tibi gratias, omnipotens Deus,
pro
universis beneficiis tuis: Qui vivis et
regnas in saecula saeculorum.
R. Amen.
VENI, CREATOR SPIRITUS
Veni, Creator Spiritus,
mentes tuorum visita,
imple superna gratia
quæ tu creasti pectora.
Qui diceris Paraclitus,
altissima donum Dei,
fons vivus, ignis, caritas,
et spiritalis unctio.
Tu, septiformis munere,
digitus paternæ dexteræ,
Tu rite promissum Patris,
sermone ditans guttura.
Accende lumen sensibus:
infunde amorem cordibus:
infirma nostri corporis
virtute firmans perpeti.
Hostem repellas longius,
pacemque dones protinus:
ductore sic te prævio
vitemus omne noxium.
Per te sciamus da Patrem,
noscamus atque Filium;
Teque utrisque Spiritum
credamus omni tempore.
Deo Patri sit gloria,
et Filio, qui a mortuis
surrexit, ac Paraclito,
in sæculorum sæcula.
Amen.
O SALUTARIS HOSTIA
O salutaris Hostia
Quae coeli pandis ostium.
Bella premunt hostilia;
Da robur, fer auxilium.
Uni trinoque Domino
Sit sempiterna gloria:
Qui vitam sine termino,
Nobis donet in patria.
Amen.
ANIMA CHRISTI
Anima Christi, sanctifica me.
Corpus Christi, salve me.
Sanguis Christi, inebria me.
Aqua lateris Christi, lava me.
Passio Christi, conforta me.
O bone Iesu, exaudi me.
Intra tua vulnera absconde me.
Ne permittas me separari a te.
Ab hoste maligno defende me.
In hora mortis meae voca me.
Et iube me venire ad te,
ut cum Sanctis tuis laudem te
in saecula saeculorum. Amen.
LITANIAE SACRATISSIMI CORDIS IESU
Kyrie, eleison.
Christe, eleison.
Kyrie, eleison.
Christe, audi nos.
Christe, exaudi nos.
Pater de caelis, Deus,
miserere nobis.
Fili, Redemptor mundi, Deus,
miserere nobis.
Spiritus Sancte, Deus,
miserere nobis.
Sancta Trinitas, unus Deus,
miserere nobis.
Cor Iesu, Filii Patris aeterni,
miserere nobis.
Cor Iesu, in sinu Virginis Matris a Spiritu
Sancto formatum, miserere nobis.
Cor Iesu, Verbo Dei substantialiter unitum,
miserere nobis.
Cor Iesu, maiestatis infinitae,
miserere nobis.
Cor Iesu, templum Dei sanctum,
miserere nobis.
Cor Iesu, tabernaculum Altissimi,
miserere nobis.
Cor Iesu, domus Dei et porta caeli,
miserere nobis.
Cor Iesu, fornax ardens caritatis,
miserere nobis.
Cor Iesu, iustitiae et amoris receptaculum,
miserere nobis.
Cor Iesu, bonitate et amore plenum,
miserere nobis.
Cor Iesu, virtutum omnium abyssus,
miserere nobis.
Cor Iesu, omni laude dignissimum,
miserere nobis.
Cor Iesu, rex et centrum omnium cordium,
miserere nobis.
Cor Iesu, in quo sunt omnes thesauri sapientiae
et scientiae, miserere
nobis.
Cor Iesu, in quo habitat omnis plenitudo divinitatis,
miserere nobis.
Cor Iesu, in quo Pater sibi bene complacuit,
miserere nobis.
Cor Iesu, de cuius plenitudine omnes nos accepimus,
miserere nobis.
Cor Iesu, desiderium collium aeternorum,
miserere nobis.
Cor Iesu, patiens et multae misericordiae,
miserere nobis.
Cor Iesu, dives in omnes qui invocant te,
miserere nobis.
Cor Iesu, fons vitae et sanctitatis,
miserere nobis.
Cor Iesu, propitiatio pro peccatis nostris,
miserere nobis.
Cor Iesu, saturatum opprobriis,
miserere nobis.
Cor Iesu, attritum propter scelera nostra
miserere nobis.
Cor Iesu, usque ad mortem obediens factum
miserere nobis.
Cor Iesu, lancea perforatum,
miserere nobis.
Cor Iesu, fons totius consolationis,
miserere nobis.
Cor Iesu, vita et resurrectio nostra,
miserere nobis.
Cor Iesu, pax et reconciliatio nostra,
miserere nobis.
Cor Iesu, victima peccatorum,
miserere nobis.
Cor Iesu, salus in te sperantium,
miserere nobis.
Cor Iesu, spes in te morientium,
miserere nobis.
Cor Iesu, deliciae Sanctorum omnium,
miserere nobis.
Agnus Dei, qui tollis peccata mundi,
parce nobis, Domine.
Agnus Dei, qui tollis peccata mundi,
exaudi nos, Domine.
Agnus Dei, qui tollis peccata mundi,
miserere nobis.
V. Iesu, mitis et humilis corde,
R. Fac cor nostrum secundum Cor tuum.
Oremus. Omnipotens sempiterne Deus, respice
in Cor dilectissimi Filii
tui, et in laudes et satisfactiones, quas in
nomine peccatorum tibi
persolvit, iisque misericordiam tuam petentibus
tu veniam concede
placatus, in nomine eiusdem Filii tui Iesu Christi:
Qui tecum vivit et
regnat in saecula saeculorum.
R. Amen.
LITANIAE LAURETANAE
Kyrie, eleison.
Christe, eleison.
Kyrie, eleison.
Christe, audi nos.
Christe, exaudi nos.
Pater de caelis, Deus,
miserere nobis.
Fili, Redemptor mundi, Deus,
miserere nobis.
Spiritus Sancte, Deus,
miserere nobis.
Sancta Trinitas, unus Deus,
miserere nobis.
Sancta Maria,
ora pro nobis.
Sancta Dei Genetrix,
ora pro nobis.
Sancta Virgo virginum,
ora pro nobis.
Mater Christi,
ora pro nobis.
Mater divinae gratiae,
ora pro nobis.
Mater purissima,
ora pro nobis.
Mater castissima,
ora pro nobis.
Mater inviolata,
ora pro nobis.
Mater intemerata,
ora pro nobis.
Mater amabilis,
ora pro nobis.
Mater admirabilis,
ora pro nobis.
Mater boni consilii,
ora pro nobis.
Mater Creatoris,
ora pro nobis.
Mater Salvatoris,
ora pro nobis.
Virgo prudentissima,
ora pro nobis.
Virgo veneranda,
ora pro nobis.
Virgo praedicanda,
ora pro nobis.
Virgo potens,
ora pro nobis.
Virgo clemens,
ora pro nobis.
Virgo fidelis,
ora pro nobis.
Speculum iustitiae,
ora pro nobis.
Sedes sapientiae,
ora pro nobis.
Causa nostrae laetitiae,
ora pro nobis.
Vas spirituale,
ora pro nobis.
Vas honorabile,
ora pro nobis.
Vas insigne devotionis,
ora pro nobis.
Rosa mystica,
ora pro nobis.
Turris Davidica,
ora pro nobis.
Turris eburnea,
ora pro nobis.
Domus aurea,
ora pro nobis.
Foederis arca,
ora pro nobis.
Ianua caeli,
ora pro nobis.
Stella matutina,
ora pro nobis.
Salus infirmorum,
ora pro nobis.
Refugium peccatorum,
ora pro nobis.
Consolatrix afflictorum,
ora pro nobis.
Auxilium Christianorum,
ora pro nobis.
Regina Angelorum,
ora pro nobis.
Regina Patriarcharum,
ora pro nobis.
Regina Prophetarum,
ora pro nobis.
Regina Apostolorum,
ora pro nobis.
Regina Martyrum,
ora pro nobis.
Regina Confessorum,
ora pro nobis.
Regina Virginum,
ora pro nobis.
Regina Sanctorum omnium,
ora pro nobis.
Regina sine labe originali concepta,
ora pro nobis.
Regina in caelum assumpta,
ora pro nobis.
Regina sacratissimi Rosarii,
ora pro nobis.
Regina pacis,
ora pro nobis.
Agnus Dei, qui tollis peccata mundi,
parce nobis, Domine.
Agnus Dei, qui tollis peccata mundi,
exaudi nos, Domine.
Agnus Dei, qui tollis peccata mundi,
miserere nobis.
V. Ora pro nobis, sancta Dei Genetrix.
R. Ut digni efficiamur promissionibus Christi.
Oremus. Concede nos famulos tuos, quaesumus,
Domine Deus, perpetua
mentis et corporis sanitate gaudere, et gloriosae
beatae Mariae semper
Virginis intercessione, a praesenti liberari
tristitia, et aeterna
perfrui laetitia. Per Christum Dominum
nostrum.
R. Amen.
LAUDES DIVINAE
Benedictus Deus.
Benedictum Nomen Sanctum eius.
Benedictus Iesus Christus, verus Deus and verus
homo.
Benedictum Nomen Iesu
Benedictum Cor eius sacratissimum.
Benedictus Sanguis eius pretiosissimus.
Benedictus Iesus in sanctissimo altaris Sacramento.
Benedictus Sanctus Spiritus, Paraclitus.
Benedicta excelsa Mater Dei, Maria sanctissima.
Benedicta sancta eius et immaculata Conceptio.
Benedicta eius gloriosa Assumptio.
Benedictum nomen Mariae, Virginis et Matris.
Benedictus sanctus Ioseph, eius castissimus Sponsus.
Benedictus Deus in Angelis suis, et in Sanctis
suis.
Amen.
QUICUMQUE
Quicumque vult salvus esse, ante omnia opus est,
ut teneat
Catholicam fidem: Quam nisi quisque integram
inviolatamque
servaverit, absque dubio in aeternam peribit.
Fides autem catholica haec est: ut unum Deum in
Trinitate,
et Trinitatem in unitate veneremur. Neque confundentes
personas,
neque substantiam seperantes. Alia est enim persona
Patris alia
Filii, alia Spiritus Sancti: Sed Patris, et Fili,
et Spiritus
Sancti una est divinitas, aequalis gloria, coeterna
maiestas.
Qualis Pater, talis Filius, talis Spiritus Sanctus.
Increatus
Pater, increatus Filius, increatus Spiritus Sanctus.
Immensus Pater, immensus Filius, immensus Spiritus
Sanctus.
Aeternus Pater, aeternus Filius, aeternus Spiritus
Sanctus.
Et tamen non tres aeterni, sed unus aeternus.
Sicut non tres
increati, nec tres immensi, sed unus increatus,
et unus immensus.
Similiter omnipotens Pater, omnipotens Filius,
omnipotens
Spiritus Sanctus.Et tamen non tres omnipotentes,
sed unus omnipotens.
Ita Deus Pater, Deus Filius, Deus Spiritus Sanctus.
Et tamen non
tres dii, sed unus est Deus.
Ita Dominus Pater, Dominus Filius, Dominus Spiritus
Sanctus.
Et tamen non tres Domini, sed unus est Dominus.
Quia, sicut singillatim unamquamque personam
Deum ac Dominum
confiteri christiana veritate compelimur: ita
tres Deos aut Dominos
dicere catholica religione prohibemur. Pater
a nullo est factus:
nec creatus, nec genitus. Filius a Patre solo
est: non factus,
nec creatus, sed genitus. Spiritus Sanctus a
Patre et Filio:
non factus, nec creatus, nec genitus, sed procedens.
Unus ergo
Pater, non tres Patres: unus Filius, non tres
Filii: unus Spiritus
Sanctus, non tres Spiritus Sancti.
Et in hac Trinitate nihil prius aut posterius,
nihil maius aut
minus: sed totae tres personae coaeternae sibi
sunt et coaequales.
Ita ut per omnia, sicut iam supra dictum est,
et unitas in Trinitate,
et Trinitas in unitate veneranda sit. Qui vult
ergo salvus esse, ita
de Trinitate sentiat. Sed necessarium est ad
aeternam salutem, ut
incarnationem quoque Domini nostri Iesu Christi
fideliter credat.
Est ergo fides recta ut credamus et confiteamur,
quia Dominus noster
Iesus Christus, Dei Filius, Deus et homo est.
Deus est ex substantia Patris ante saecula genitus:
et homo est
ex substantia matris in saeculo natus. Perfectus
Deus, perfectus homo:
ex anima rationali et humana carne subsistens.
Aequalis Patri secundum
divinitatem: minor Patre secundum humanitatem.
Qui licet Deus sit et
homo, non duo tamen, sed unus est Christus. Unus
autem non conversione
divinitatis in carnem, sed assumptione humanitatis
in Deum.
Unus omnino, non confusione substantiae, sed
unitate personae.
Nam sicut anima rationalis et caro unus est homo:
ita Deus et homo
unus est Christus. Qui passus est pro salute
nostra: descendit ad
inferos: tertia die resurrexit a mortuis.
Ascendit ad caelos, sedet ad dexteram Dei Patris
omnipotentis:
inde venturus est iudicare vivos et mortuos.
Ad cuius adventum omnes
homines resurgere habent cum corporibus suis:
et reddituri sunt de
factis propriis rationem. Et qui bona egerunt,
ibunt in vitam aeternam:
qui vero mala, in ignem aeternum.
Haec est fides catholica, quam nisi quisque fideliter
firmiterque
crediderit, salvus esse non poterit.
Amen.
ANGELIC TRISAGION
In nomine Patris + et Filii et Spiritus Sancti. Amen.
V. Domine, labia mea aperies.
R. Et os meum annuntiabit
laudem tuam.
V. Deus in adiutorium meum intende.
R. Domine, ad adiuvandum
me festina.
V. Gloria Patri et Filio et Spiritui Sancto,
R. Sicut erat in principio,
et nunc, et semper, et in sæcula sæculorum. Amen.
Sanctus Deus, Sanctus fortis, Sanctus immortalis, miserere nobis.
V. Pater noster, qui es in cælis, sanctificetur
nomen tuum. Adveniat regnum tuum. Fiat
voluntas tua, sicut in cælo et in terra.
Panem nostrum quotidianum da nobis hodie, et
dimitte nobis debita nostra sicut et nos dimittimus
debitoribus nostris. Et ne nos inducas
in tentationem, sed libera nos a malo. Amen.
V. Tibi laus, Tibi gloria, Tibi gratiarum actio
in sæcula sempiterna, O Beata Trinitas.
R. Sanctus, Sanctus, Sanctus Dominus Deus exercituum.
Pleni sunt coeli et terra gloria
tua.
V. Gloria Patri et Filio et Spiritui Sancto,
R. Sicut erat in principio, et nunc, et semper,
et in sæcula sæculorum. Amen.
Antiphon
Te Deum Patrem ingenitum, te Filium unigenitum,
te Spiritum Sanctum Paraclitum,
sanctam et individuam Trinitatem, toto corde
et ore confitemur, laudamus, atque
benedicimus: Tibi gloria in sæcula.
V. Benedicimus Patrem, et Filium cum Sancto Spiritu.
R. Laudemus et superexaltemus eum in sæcula.
Oremus.
Omnipotens sempiterne Deus, qui dedisti famulis
tuis in confessione veræ fidei, æternæ
Trinitatis gloriam agnoscere, et in potentia
maiestatis adorare Unitatem: quæsumus, ut
eiusdem fidei firmitate, ab omnibus semper muniamur
adversis. Per Christum Dominum
nostrum.
Amen.
Libera nos, salva nos, vivifica nos, O Beata
Trinitas!
TE DEUM
Te Deum laudamus: te Dominum confitemur.
Te aeternum Patrem omnis terra veneratur.
Tibi omnes Angeli; tibi caeli et universae Potestates;
Tibi Cherubim et Seraphim incessabili voce proclamant:
Sanctus, Sanctus, Sanctus, Dominus Deus Sabaoth.
Pleni sunt caeli et terra maiestatis gloriae
tuae.
Te gloriosus Apostolorum chorus,
Te Prophetarum laudabilis numerus,
Te Martyrum candidatus laudat exercitus.
Te per orbem terrarum sancta confitetur Ecclesia,
Patrem immensae maiestatis:
Venerandum tuum verum et unicum Filium;
Sanctum quoque Paraclitum Spiritum.
Tu Rex gloriae, Christe.
Tu Patris sempiternus es Filius.
Tu ad liberandum suscepturus hominem, non horruisti
Virginis uterum.
Tu, devicto mortis aculeo, aperuisti credentibus
regna caelorum.
Tu ad dexteram Dei sedes, in gloria Patris.
Iudex crederis esse venturus.
Te ergo quaesumus, tuis famulis subveni: quos
pretioso sanguine redemisti.
Aeterna fac cum sanctis tuis in gloria numerari.
V. Salvum fac populum tuum, Domine, et benedic
hereditati tuae.
R. Et rege eos, et extolle illos usque in aeternum.
V. Per singulos dies benedicimus te.
R. Et laudamus nomen tuum in saeculum, et in
saeculum saeculi.
V. Dignare, Domine, die isto sine peccato nos
custodire.
R. Miserere nostri, Domine, miserere nostri.
V. Fiat misericordia tua, Domine, super nos,
quemadmodum speravimus in te.
R. In te, Domine, speravi: non confundar in aeternum.
DOCTRINA DUODECIM APOSTOLORUM
Gratias tibi agimus, Pater sancte, pro sancto
nomine tuo, quod fecisti ut habitet in
cordibus nostris, et pro scientia et fide et
immortalitate, quam indicasti nobis per
Iesum puerum tuum; gloria tibi in saecula.
Tu, Domine omnipotens, creasti omnia propter
nomen tuum, et cibum potumque
dedisti hominibus ad fruendum, ut tibi gratias
agant, nobis autem largitus es
spiritualem cibum et potum et vitam aeternam
per puerum tuum.
Ante omnia gratias tibi agimus, quod potens es;
gloria tibi in saecula.
Recordare, Domine, Ecclesiae tuae, ut eam liberes
ab omni malo eamque perficias in
caritate tua, et collige eam a quattuor ventis
sanctificatam in regnum tuum, quod ei
parasti, quoniam tua est virtus et gloria in
saecula.
Adveniat gratia et praetereat mundus hic. Hosanna
filio David. Si quis sanctus est,
accedat; si quis non est, paenitentiam agat.
Maranatha. Amen.