khursheed, woh dekho doob gaya, zulmat ka nishaN lahraney
lagaa
mahtab, woh halkey baadal sey chandi ke varaq barsaaney
lagaa.
woh saNwaley-pan par maidaan ke, halki si sabahat daurh
chali
thorha saa ubhar kar baadal sey, woh chand jabeeN jhalkaney
lagaa.
lo doob gayaa phir baadal meiN, baadal meiN woh khat
sey daurh gaye
lo phir woh ghatayeN chaak huiN, zulmat ka qadam thharraney
lagaa.
baadal meiN chhupa to khol diye, baadal meiN darichey
heerey ke
gardooN peH jo aaya to gardooN, dariya ki tarah lahraney
lagaa.
simati jo ghataa tareeki meiN, chandi ke safiney le
ke chalaa
sanaki jo hawaa to baadal ke gardaab meiN ghotey khaaney
lagaa.
gharfooN sey jhaanka gardooN ke, amvaaj ki nabzeiN
taiz huiN
halqoN meiN jo daurha baadal ke, kuhsaar ka sar chakraney
lagaa.
pardah jo uthaaya baadal ka, dariyaa peH tabassum daurh
gayaa
chilman jo girayee badali ki, maidan ka dil ghabraaney
lagaa.
ubhraa to tijjali daurh gayi, dooba to falak be-noor
huaa
uljhaa to siyaahi dauraa di, suljha to ziyaa barsaaney
lagaa.
kya kaawish-e- noor-o- zulmat hai, kya qaid hai, kya
aazadi hai
insaan ki tarhapati fitrat ka mafhoom samajh meiN aaney
lagaa.
gardaab = bhaNwar
gharfooN = windows ( singular is gharf)
ziyaa = light
kaawish = struggle
a nazm a month: anam main page
bazm-e- Urdu: a forum for contemporary Urdu poetry
khazana-e- Urdu: a list of Urdu and other resources