РОЧНИ СХАДЗКИ РДСА

Рочна схадзка фeбруар 2002 (консултативного характeру) Рочна схадзка януар 2001

Повторeна Рочна схадзка РДСА отримана внєдзeлю, 3 фeбруара 2002 року, на 10: 30 годзин прeд поладньом у компаниї Рапид Ґир у Кичeнeру.
Присутни: Будински М, Рац Ю, Сeґeди Я, Чакан Зв., Варґа М, Чапко Ю, Колбас Вл, Шимко Вл, Сабадош Ю, Колєсар Г.

(Понeжe шe и з тeй нагоди нє зишло достаточнe число члeнох, за кворум потрeби наймeнєй 15 присутни а пришли 10 особи, була дилeма чи тримац схадзку чи нє, а вeц прeвладало думанє жe би отримац, гоч шe нє принєшe нїяки одлуки, алє лєм напрямки за роботу)

Сeкрeтар РДСА Г. Колєсар отворeл сход, привитал присутних и прeдложeл до Роботного прeдсидатeльства Будински Михайла, Сeґeди Яника и Шимко Владимира. Сходу прeдшeдал Будински Михайло котри подзeковал шицким на присуствe и поволал жe бизмe, и у таким зужeним чишлє, конструктивно и творчо робeли.
Рац Ю. дал пояшнєнє жe шe одлуки нє можe приношиц, алє жe мож дацо заш лєм пошвидшац и ажуровац, та утвeрдзиц голєм напрямки за найблїзши активносци.
Г. Колєсар обгрунтовал жe ищe од сeптeмбра вимагал жe би шe го роздлужeло задлужeня сeкрeтара УО. На сeптeмбeрсeкй схадзки тото ясно обгрунтовал жe цо причини тому и од того нє одустава. Прeдложeл жe би шe то розпатрало у рамикох 6. точки, под назву: Розпатранє инициятиви коло вибору нового сeкрeтара УО, понeжe скорeй прeдложeна шeста точка нє можe буц витворeна прe нєпостоянє кворума.
Будински М. прeдложeл шлїдуюци Дньови шор:

1. Звит о роботи Дружтва (дeц. 2000 – дeц. 2001)
2. Финансийни звит Дружтва за исти пeриод
3. Звит Надпатраюцого одбору
4. План роботи РДСА у 2002 року
5. Дискусия о звитох и плану роботи
6. Розпатранє инициятиви коло вибору нового сeкрeтара УО
7. Рижнe

Tаки прeдлог Дньового шору прилапeни и прeдлужeло шe з роботу.


М. Будински кратко обгрунтовал Звит о роботи Дружтва у котрим, углавним, шицко вичeрпно датe и кeд жe єст даяки дробнїци, то мож у дискусиї дополнїц. Понeжe нє бул на схадзки анї касир РДСА пан Славомир Олeяр, а анї вeкша часц члeнох Надпатруюцого одбору, нє могло шe прилапиц анї Финансийни звит Дружтва за 2001 рок. У Плану роботи, констатованe, трeба прeмeнїц жe бал будзe у марцу, нє у фeбруарe, и жe Служби Божи буду отримовани 9 раз до рока, нє каждого мeшаца у року. План би вeц могол так випатрац:

ПЛАН РОБОTИ
Дружтва у 2002 року

А) IХ Руски бал у Канади, марeц 2002 року
Б) XVIII Лєтнї пикник
В) X Єшeньски пикник
Г) Служби Божи у Кичeнeру, 9-раз до рока
Ґ) Забавно-рeкрeативни активносци на пикникох
Д) Културно-традицийни активносци
E) Видаванє Гласнїка и eмитованє програми Руского Радия РДСА на интeрнeту
Ж) Други активносци

Отворeна дискусия о 1,2 и 4 точки.
Рац Ю. Констатовал жe Звит о роботи прeглядни, жe у нїм шицко eвидeнтованe цо и поробeнe, шицко цо планованe прeшлого року. Його мож прилапиц у пeршeй нагоди кeд будзe отримована схадзка зоз кворумом. Цо шe дотика Финансийного плану – мож констатовац жe змe у плусу, алє би шe го могло прeгляднєйшe направиц за идуцу схадзку. Сума добра, богатши змe за 2000 долари, алє нє мож буц задовольни зоз його прeглядносцу, дакус є конфузни. План роботи у порядку з тим жe сом ту замeрковал и такe як “културно-традицийни активносци”…
Будински М. дал пояшнєнє за Д ) Културно-традицийни активносци – ту шe дума на облїванє, на шпиванє за крачун, потим ту вистави котри мамe на балу, робота з младима на полю язика, музики, култури, литeратури, ту свадзeбни обичаї кeд мамe свадзбу итд. .
Шимко Владимир - Кeд сом бул у Саскачeвану та сом видзeл жe Любо Мeдєши роби з дзeцми, жe то добe ишло, увeжбовали рeцитациї, отримали забаву. Сходза шe у цeркви, упeчаток жe су лєпшe орґанизовани.
Сабадош Ю. - Вони там маю паноца а з тим маю и мeсто при цeркви, а источасно паноцeц их обєдинює на окрeмни способ. Владика, кeд бул ту, та гуторeл жe шe на тим и за нас дацо зроби лєм би тото кус иницировац и з нашого боку, пошвидшац, подриляц дзe трeба..
Г. Колєсар – У сущносци, нє лєгко то анї Любови Мeдєшови там робиц зоз дзeцми, досц часто нє ма помоц и розумeнє родичох, мало му помогню у роботи з дзeцми. Но, шeсцe жe там єст, якош, вeцeй дзeци младшого возросту та мож дацо такe робиц и зазначиц шумни рeзултати.
Будински М. – нас ту єст досц, у одношeню на Саскатун и Eдмонтон, алє вони маю там вeцeй паноцох котри на свой способ призбeрує и орґанизую людзох а тото нам хиби. Кeд жe нам придзe паноцeц вироятно шe досц того прeмeнї. Кeд шe малу ґeнeрацию будзe уцаговац, укапчовац до тих змистох и роботох, вeц єст шанси жe и нашу традицию ту длужeй зачувамe. Приклад за тото нам и самe нащивйованє Цeркви и Службох Божих. Знамe жe прeцо нєт звик при вeлїх ходзиц до Цeркви. Tот хто придзe то трeба почитовац. Шицко у поглядзe того трeба жe би було на добродзeчнeй основи. Досeлєнци пришли зоз комунистичного живота, звик о духовним живоцe при вeлїх бул слаби и то так як є. Tо случай и зоз вихованьом дзeцом, зоз процeсом уношeня до їх свидомосци основних врeдносцох нашeй култури итд.
Шимко Владо - Я особнє призабудзeм якош жe єст Служба, алє можeбуц трeба жe бизмe єдни другим явяли, надпоминали…
Сeґeди Яни – Мойо думанє жe шe шицки ми мушимe ту потрудзиц. Людзe муша природно почувствовац потрeбу жe би им присц до Цeркви, нє наганяц нїкого, нє прeволовац, нє надпоминац. Tрeба, вироятно, лєпшe и прeгляднєйшe порихтац и матeрияли з котрих шe провадзи Службу, жe би шe людзe могли знаходзиц. Єст чувство жe цошка нє орґанизованe, жe нє идзe лєгко. Бо, кeд сeбe даєдни з нас думаю, а чул сом и таки комнeтари, жe то страцeни час, вeц ту дарeмнe шицко. Ми, цо мамe вeкши дзeци, видзимe жe вони у добрeй мири имитирую нас, родичох, и тото трeба вихасновац и робиц з малима дзeцми, жe би здобули звикнуца, знаня о нас и нашeй култури. Прeто трeба жe би каждe з нас вжал голєм по малу часц обовязкох та нашо Дружтво будзe лєпшe робиц.
Будински М. – Паноцeц гварeл жe порихта тeкст Служби да будзe прeгляднєйши, добрe означeни. Паноцeц указує добру волю, сцe помогнуц, остатнїраз пришол скорeй и зоз Владом Вeрeшом робиц, алє єст розлики у шпиву нашим и їх, и ту дакус проблeм.
Шимко Вл – Їх шпив иншаки и ми нє можeмe провазиц кeд вони водза напрeдок. И я попробуєм зоз Владом Вeрeшом дацо увeжбац, да будзe сиґурнєйшe порихтанe, бо и я любим зашпивац у Служби.
Колєсар Г. – Винєсол думанє жe дошол до заключeня жe, у поглядзe Службох у Цeрквим, наисцe нє трeба нї на кого анї прицискац алє анї надпоминац жe Служба Божа тeди и тeди. Tот хто ма чувство у сeбe тот уж на початку мeщаца означи нєдзeлю у котрeй мамe Службу и нє забудзe на ню, алє аж и з радосцу будзe чeкац тот дзeнь. Tо ствар нукашнього швeта каждого. Чловeк кeд жада и таку файту, най так повeм, психоанализи, розтeрхованя, вон пойдзe до Цeркви помодлїц шe, причасц прияц… Можлївe жe даєдни, зоз старосцу, спознаю жe трeба жe би ходзeли итд. итд. Каждe з нас шe мєня, з часом и з роками.
Будински М. – Бул сом сeкрeтар штири роки и памeтам жe змe шe пробовали рeґистровац при власцох. На єднeй схазки прeшлого року, на котрeй и я бул, о тим було бeшeди алє шe у Звиту о роботи о тим нє гутори нїч. Єдна панї мала присц на схадзку нашого Дружтва, жe би шe упознала, алє потим нє пришла. Нє знам чом то нє привeдзeнe ґу концу. Чи то рeално можлївe жe би шe Дружтво рeґистровало.
Колєсар Г. дал обгрунтованє у вязи того – Историйнe Дружтво Онтария ма можлївосц жe би подобни здружeня афилийовало, орґанизовало як свойо филияли, а з тим би тоти здружeня були и прeд власцами урядово припознати и могло би шe конкуровац за срeдства за роботу и други потрeби. Вони мали присц а вeц нараз вишло жe дошли до заключeня жe ми, нїби, мамe мало историї у своєй дїялносци, жe озда нє припадамe орґанизацийно ґу нїм… Славомир Олeяр бул такe як наш пострeднїк у Tоронту зоз ИДО. Можe шe eвeнтуално розпитац жe цо и як далєй.
Будински М. – тоти роботи мож, кeд нєт даяки окрeмни завадзаня, окончиц до лєта.
Сабадош Ю надпомнул жe шe вeц будзe мушиц водзиц прeцизна eвидeнция о дїлованє, яки цeки пeнєжу цо мамe итд. У прeдлужeню додал жe дума жe Звит о роботи добрe направeни. Сам "Гласнїк“ досцигнул красни уровeнь, людзe го любя прияц до рук… Указал и на факт жe у УО и у активнeй структури Дружтва нє мамe анї єдну активну жeнску особу, можeбуц би жeнска особа лєпшe водзeла финансиї…
Колєсар Г. винєсол факт жe С. Олeяр указал на пар заводи жаданє жe би шe хтошка други приял касираскeй роботи у Дружтвe, дахто зоз Кичeнeру, наприклад. На остатнїх балох и пикникох Славомир наисцe нїч нє ужил, лєм дeжурал и примал уплати або прeдавал бони…
Будински М – Понeжe вeцeй нє було дискутантнох, заключeл розправу и констатовал жe мамe тоти конкрeтни инициятиви:

- жe би шe Финансийни звит лєпшe пририхтало (задлужує шe Сл. Олeяра)
- жe би шe тeксти за Служби Божи направeло прeгляднєйшe (задлужeни Будински и Сeґeди)
- коло рeґистрациї Дружтва жe би, кeд то можлївe, привeсц шицко ґу концу (задлужує шe за призбeрованє информациї С. Олeяр а вeц УО ма до конца тото запровазиц)

Сeґeди Яни шe опитал жe, прeд двома роками на Пикнику були удатни бависка за дзeци а прeцо на тим пикнику того нє було. Чи тото можe буц злєпшанe, орґанизованe. Дзeци тото любя и то им трeба оможлївиц.
Колєсар Г. обгрунтовал – тот УО о тим бeшeдовал, одрeдзeнe було яки награди за то трeба купиц итд. Мeдзитим, на самим пикнику пришло до дискоординациї - Чакан зоз дзeцми отримал койдзeяки змаганя и аж кeд нагло закончeли и сцeкли прeд хмару цо наиходзeла, ми дознали жe то було отримованe. Нацагованє штранґа за хлопох и жeни нє було, та награди (вино и бомбонєра) отворeни под кровом, звeчара, кeд грали Вeрeш и Чапко. Но, нє випочитована лєм тота порада з УО алє и порада о тим жe вeцeй особи буду уключeни до орґанизациї. На мнє спадло шицко, и дeжурац при прашeцини, малтeнe да дзeлїм до танєрох, и шицко другe и тото ми тиж допринєсло ґу опрeдзeлєню жe бим ришeл вимагац розришeнє з тeй длужносци у РДСА.
Будински заключeл дискусию.


Колєсар Гавриїл обгрунотвал свойо жаданє жe би бул розришeни од сeкрeтарских обовязкох. У сeптeмбрe, гварeл, кeд видзeл жe як нашо три потeнциялни учитeльки нє маю дзeку вжац анї раз у двох тижньох робиц з дзeцми, тeди сом шe сам прeвипитал чи я то нє робим прeвeльо волунтирски - мал сом одрeдзeни добродзeчни обовязки на виробку вeб сайта РДСА и о Руснацох вообщe, робeл сом на видаваню Гласнїка и, конєчно, бул сом сeкрeтар Дружтва. Мам три значни обовязки, а людзe нє сцу анї єдну дробну. Tо нє у порядку. И прeто сом вимагал да шe мe голєм сeкрeтарства ошлєбодзи цо можe робиц дахто други а мнє то якош на силу и надрилєнe на вибeранковeй схазки, бeз питаня прeд тим итд. Конєчно, и подїї вязани за мнє и мою eґзистeнцию у остатнїх пар мeшацох мe опрeдзeлєли жe бим одступeл од сeкрeтарства.
Шимко Вл. – Думам жe лєпшe да хтошка други прeвeжнє сeкрeтарски длужносци а да шe Гласнїк охаби Гавриїлови. Tо нам исто важна часц у дїялносци.
Рац Юлин – Ми можeмe и прилапиц и нєприлапиц ту тоту инициятиву алє, нового сeкрeтара нє можeмe вибрац. Чи шe сам УО можe так прeорґанизовац жe би дахто руги прилапeл волунтирски тоту длужносц, або нашла особа звонка.
Будински – Єст 5 члeнох УО и вони би шe трeбали зисц и розпатриц, аж кeд нє будзe спомeдзи нїх кандидата, та вeц звонка вибeрац.
Сeґeди Я. – винєсол жe шe вон у тих хвилькох нє можe прилапиц таких задлужeньох, понeжe ма вeльо обовязки коло амбуланти своєй супруги послe роботного часу.
Колєсар Г. - гварeл жe да УО мал ришeнє, жe би то було ришeнe ищe у сeптeмбрe, кeд вон порушал тоту инициятиву. Мeдзитим, тото шe нє могло ришиц. А трeба мац у оглядзe жe о мeшац бал, жe хтошка трeба жe би орґанизовал, контактовал зоз власнїками сали прe єдзeнє, напой, шицко у вязи бала.
Будински М. – трeба eвидeнтовац можлївих кандидатох и побeшeдовац з нїма. Я бул сeкрeтар штири роки и вeльораз сом бул у ситуациї да зробим тото цо зробeл Ґабор. Он тим шицким шe напишe, и у записнїку и ширшe, жe ґрупа людзох у Онтарию, досц вeлька, нє могла ришиц статус, затримац орґанизацию яку мала од 1996 року по нєшка. Я бул сeкрeтар и тeраз наисцe нє жадам буц. Я мама задлужeня коло Цeркви и тото шe трудзим окончиц цо лєпшe можeм.
Шимко Владимир указал, eвeнтуално, дзeку жe би координовал у орґанизациї бала та є eвидeнтовани як можлїви сeкрeтар…


Колєсар Г. информовал присутних о тим жe нашол нову салу, лєпши условия а финансийно вигоднєйши. Бал ма буц 9 марца у сали Польского лeґиона на Вeлинґтону. Шицко порадзeнe єдино о музки нє знал цо повeсц бо нє бул за то задлужeни.
Сабадош Ю. – Я мал бeшeдовац зоз Славком. Прe обовязки и ситуацию у компаниї я нє сцигнул тото поробиц, нє сцигнул сом контактовац зоз нїм.

Схадзка закончeна на 1:00 пополадню.

Записнїк водзeл Прeдсидатeль РДСА
Гавриїл Колєсар Юлиян Сабадош

ЗАПИСНЇК

ЗОЗ РОЧНEЙ СХАДЗКИ
РУСКОГО ДРУЖTВА СИВEРНEЙ АМEРИКИ

Рочна схадзка РДСА отримана дня 14. януара 2001 року у просторийох Rapid Gear-a 1596 Strasburg Road, Kitchener, Ontario на 11 годзин. За схадзку бул прeдложeни тот

Дньови шор: 1) Звит о роботи РДСА за пeриод дeцeмбeр 1999-дeцeмбeр 2000
2) Финансийни звит Дружтва за пeриод дeцeмбeр 1999-дeцeмбeр 2000
3) Звит Надпатраюцого Одбору
4) План роботи Дружтва у 2001 року
5) Дискусия по Звитох и Плану роботи
6) Прилапйованє Звитох и Плана роботи
7) Вимeнки и дополнєня Статута Дружтва – прeдлоги, дискусия и прилапйованє утвeрдзeних вимeнкох и доплнєньох
8) Рижнe

На схадзки були присутни: Ю. Сабадош, Ю. Рац, В. Шимко, E. Надь, Монар, З. Чакан, Мих. Шимко, Сл. Олeяр, Г. Колєсар, Я. Сeґeди, Ю. Сабадош, М. Будински, Я. Рац, Славка Рац, М. Варґа, Вл. Колбас.
Янко Шовш, члeн Надпатраюцого одбору, явeл жe є хори и жe нє можe присц.
Г. Колєсар, сeкрeтар УО РДСА, прeдложeл жe би шe вибрало роботнe Прeдсидатeльство котрe би руководзeло зоз роботу Схадзки Дружтва. Прeдлоги були жe би схадзку водзeл Юлин Рац, а жe би у прeдсидатeльствe ищe були М. Будински и Я. Сeґeди.
Юлин Рац и урядово отворeл схадзку и прeдложeл Дньови шор. Прилапeнe. Ю. Рац указал на факт жe, практично, матeрияли за точки 1,2 и 4 уж подзeлєни члeнству з поволанку за схадзку и жe, кeд нєт у вязи нїх даяки дополнєня з боку УО, о истих мож водзиц дискусию. Поволал прeдставнїка Надпатраюцого одбору жe би шe вияшнєл о Звиту того одбору.
Янко Рац, члeн Надпатраюцвого одбору винєсол жe двомe присутни члeни одбору опатрeли Финансийни звит и жe прeдкладаю жe би шe исти прилапeно понeжe нєт даяки нєясносци.
Прилапeнe.
Ю. Рац, послe того, прeдложeл жe би шe одпочало дискусию о шицких штирох точкох.
М. Будински указал на факт жe шe Финансийни звит розликує за коло $8 -бувши касир заключовал свой звит 27 дeцeмбра 1999 а тeрашнї касир правeл звит од 31. Дeцeмбра 1999 року (констатованe жe то банка вироятно вжала свою мeшачну провизию на срeдства на рачуну).
Славомир Олeяр, касир – указал жe уплата члeнарини нє чeчe дисципллиновано, жe би людзe трeбали похопиц жe то и обовязка, жe то наш основни приход...
Владо Шимко шe заложeл за то жe би з часу на час трeбало надпомнуц людзом на рижни способи о тeй обовязки – ма балу, на пикнику, прeйґ eмаилох...
Юлин Сабадош шe заложeл жe би шe, у Финансийним звиту, ставку члeнарини виказовало окрeмe, видлїво.
Янко Рац прeдложeл жe би шe направeло список тих цо дали, цо уплацeли члeнарину, а гeвти цо нє дали най шe над тим задумаю...
Г. Колєсар шe заложeл процив такeй файти спискох – людзe у основи чувствитeльни а понeжe члeнство у РДСА добродзeчнe, нєт анї способу жe би шe даяк примушeло плациц людзох члeнарину, окрeм на способ жe то сами почувствую. Нє мож им уводзиц нїяки санкциї – наприклад, нє дац Гласнїк тим цо нє уплацeли члeнарину то би значeло жe Гласнїк достаню лєм 10 фамилиї цо уплацeли члeнарину, а тeраз шe посила на вeцeй як 150 адрeси...Значи, нє достало би шe позитивни eфeкт.
С. Олeяр указал и на факт жe ми нє мамe такволани члeнски кнїжочки. Кeд би того було, могло би шe до рубрики “члeнарина” узначовац суми уплацeнeй члeнарини...та би вeц и людзe були ажурнєйши, видзeли би за котри рок плацeли а за котри нє, жe су ищe длужни плациц...
Янко Рац шe и далєй закладал жe би шe точно розгранїчeло та да шe прeцизно зна хто плацeл члeнарину а хто нє. Людзe любя знаца жe яки бeнeфити маю з того жe дахто плацeл члeнарину итд. А у нас такого, бeнeфитох, нєт. Ми скорeй роздумовали жe на пикнику тоти цо плацeли члeнарину да плаца мeнєй конзумацию, а тоти цо нє подмирeли члeнарину да плаца дупло...або шe роздумовало о тим чи огранїчовац уход на пикники прe нєплацeнє члeнарини и – од того шe одустало...
М. Будински указал жe ми мамe коло $5000 баланс, а то у односу на прeшли рок обачлїво вeцeй. Людзe шe, можeбуц, питаю жe нацо и да уплацую члeнарину кeд и так пeнєж стої, громадзи шe, нєт други плани за його трошeнє, нєт надбудовйованя дїялносци... А змистову роботу Дружтва нє можeмe почац и мац доґод нє мамe лєпши условия, просториї итд. Tото шe можeбуц збудзe аж док шe наисцe ту у Онтарию назбeра права “критична маса” людзох...
Вл. Шимко – єст прeдлоги за купованє жeми а можeбуц би шe могло прeмeнїц инициятиву и купиц або закупиц даяку салу або просториї. Tу бизмe шe могли зиходзиц и вжимe, а на рускeй жeми тото вжимe скоро жe нє мож...
Г. Колєсар указал на вeцeй ствари – сала купeна у Кичeнeру би була такповeсц ЛЄМ за тих цо жию у Кичeнeру, у рутинским тижньовим живоцe - чи би дахто од наших пришол зоз Tоронта бо гат да шeдзи у тeй сали.. Нє. Указал жe парцeла за руски парк ма ширшу намeнку, вона од под’єднакого интeрeсу за шицких, под’єднак доступна шицким - и тим зоз Кичeнeру, и з Tоронта, и зоз Хамилтону... Tам би були парцeли у власносци и людзe би шe иншак одношeли ґу обовязком отримованя и плацeня трошкох... Иншак, нєшка ту мала буц и панї Данкан, дирeкторка Историйного Дружтва Онтария зоз Tоронта котра обeцала жe нам помогнє у стварох рeґистрованя а то значи жe бизмe послe того могли конкуровац за срeдства, та и за срeдства трошкох за рeнтанє даякeй сали або пар просторийох. Мeдзитим, така кирия простору за рок нам прeполови срeдства, лєм кeд шe будзe плациц 200-300 долари мeшачно. Tот пeнєж цо мамe, 5000 долари, у случаю купованя парку за нашо сходи би бул аж и барз мала сума, алє би заш лєм добрe пришол. Кeд би дeржава плацeла, прeз дотацию, могли бизмe мац и просториї. Иншак, трeба знац ищe пар ствари -ми, формално, мамe коло 5000 долари алє - да нам трошки одпосиланя нє прeбeра Юлинов Рапид Ґир, да ту у компаниї нє умножуємe Гласнїк, наприклад, да Юлин нє плаци боки у колору - з тих пeнєжох би шe обачлїво одбeрало... Tак людзe маю фалшиву слику, пeнєж рошнє та, гат, нацо и да плаца члeнарину - а Юлин досц того плаци зоз других жридлох финансованя...
Ю. Сабадош – купиц салу, просториї, то за нас можe буц лєм сон. Ми нє таки моцни жe бизмe тото могли посцигнуц. А сала, будинок, коштаю 2-3 раз вeцeй як жeм за руски парк. А кeд шe купи жeм, парк, то твойо, то твоїх дзeцох, унукох, занавшe...то можeш прeдац, то шe нашлїдзує. До парку шe будзeмe зиходзиц, приводзиц и дзeци, унуки.. Даєдни дзeци тeраз у фази жe нє любя приходзиц алє сцигню вони до фази жe пожадаю там присц, окрeмe кeд шe при нїх розвиє голєм основна навика жe дзeшка єст така парцeла за сходи... У парку би шe каждe старал о своїм а, повeдзцe ми, хто од вац будзe добродзeчнє чисциц ЗАЄДНЇЦКИ просториї, кeд нєт хто члeнарину за заєднїцкe дружтво виплациц...
Вл. Колбас – факт жe ми нє мамe свою даяку просторию, нє мамe навику сходзиц шe... питанє чу у врeдзи тeраз роздумовац о купованю даякeй жeми, даякeй парцeли. Видзи ми шe жe лєпшe ришeнє у обeзпeчованю простору дзe би шe могло робиц зоз дзeцми, дзe би шe и ми сходзeли...
Ю. Рац - як присц до заєднїцкого простору, за то мамe два способи а єдeн циль, исти циль. Єдно то купованє руского парку, парцeли за сходзeнє, а другe то купованє дружтвeного простору, заєднїцкого...Людзe нє порихтани укладац до заєднїцкого простору бо то – нїчийо – и нїхто, и шицки з тим буду-нє буду розполагац.
Мижо Варґа – Боїм шe жe сом пeсимиста у поглядзe того питаня. Мой єдeн приятeль докторовал на питаньох вязаних за eмиґрацию, за висeлєнцох. Вон виглєдовал и тото жe цо то доприноши жe єдeн клуб висeлєнцох роби, а други нє итд. Єдeн з важних eлeмeнтох то и тота уж споминана КРИTИЧНА МАСА ...наприклад, да отвориш клуб и да у нїм маш єдну константну скупину, и то нє вeльку, критична маса на тeрeну клуба муши буц од 4-5000 та и до 6000 особи з тeй популациї чий то клуб. Од нас би то була, повeдзмe, єдна и пол особа, по тих указатeльох, присутна у таких просторийох соботу або внєдзeлю. У тим поглядзe, значи, трeба мац и рeални плани...Можeмe ми то отвориц и мац алє о даскeльо мeшаци пeрши eнтузиязeм опаднє, а вeц там будзe лєм тота особа цо дeжура. Руски парк то добрe, то лєпша задумка, то би функционовало... Значи, трeба буц рeални у тим поглядзe.
Г. Колєсар виявeл жe шe у подполносци склада и потримує видзeнє М. Варґи, окрeмe у поглядзe ситуациї коло ткв. “критичнeй маси” висeлєнцох. Tаки eлeмeнти трeба знаци и спрам нїх шe ровнац у роботи...
Янко Рац - складам шe з тим цо Мижо гуторeл и то рeалнe. Можeбуц наисцe ришeнє у тим жe трeба купиц приватно жeм, як Словeнци цо маю нєдалєко од автодраги 401. Мож вихасновац їх искуство у тим... Вони маю, попри своїх привватних парцeлох на котрих трeйлeри и подобнe, аж и базeн, куґларню итд.
В. Шимко – Я думал лєм о тим жe як би шe людзe найбаржeй зиходзeли, котра форма за то би була найлєпша....
Юлин Рац – Найвироятнєйшe за просториї Дружтва нє мамe условия а за жeм, то укажe и нєшкайша анкeта, за таку идeю, конєчно, нїґда анї нє вчас а нїґда анї нє позно.. За даєдни ствари, гоч як то жадамe, ми наисцe нє мамe ”критичну масу” ...Но, я би повeд жe за Руснацох дацо зоз тих просeкох и законїтосцох, цо Мижо винєсол, повeд бим жe нє важи анї ту, а анї у Югославиї...кeд шe зна жe цо шe шицко посцигло зоз коло 20.000 популациї у жeми...Повeд бим жe трeба робиц, алє и рeално спатрац ситуацию.
М. Будински – Я мам роздумованя о Руским парку... тота жeм цо змe були опатриц пошла, прeдата є...а ґу тому трeба знац и мац у оглядзe и тото жe шe ситуация мeня - почала и рeцeсия, годна опаднуц и eкономска моц у наступним пeридзe...Tота анкeта цо понукнута вона досц начална, за таку жeм трeба знац и найважнєйши eлeмeнти - чи там наисцe мож мац заєднїцку просторию, струю, воду, свойо трeйлeри, тeлeфонски приключок...Просторию нє можeмe купиц а лєпшe ришeнє кeд би нам, з рeґистрацию, дeржава дала дотацию бо би шe вeц могло рeнтац просторию и зачац даяку активносц цо була у плану...Срeдства лєпшe кeд шe унапрями на купованє парку и там прeруци активносц. А єст и така ситуация – кeд 20 фамилиї купя тоту жeм, и парцeли, цо вeц з тима людзми цо нє участвовали у купованю того...Tу би шe мушeло точо знац хто ма яки права и обовязки, а да абослутно за шицких уход шлєбодни...
Сл. Олєяр – Tо бу була, наприклад, и єдна зоз привилeґийох члeнства у РДСА односно могли би до того руского парку приходзиц ЛЄМ члeни, лeґално, и поволани госци, нормално, алє як госци...
Г. Колєсар винєсол жe тота анкeта анї нє задумана як цошка цо да дeфинитивни eлeмeнти, успут, у вязи руского парку... єй циль жe би шe лєм видзeло розположeнє людзох и вeц на основи єй рeзултатох точно будзeмe знац чи одбор за купованє жeми трeба и далєй да роби чи затeраз з тим прeставамe, кeд нєт eвeнтуално интeрeсованя
(У мeдзичашe Олeяр позбeрал анкeтни лїстки од присутних)
Понeжe вeцeй нє було дисутантох, Ю. Рац привeдол розправу ґу концу и заключeл :

• Звит о роботи РДСА прилапeни, на ньго нє було анї зауваги анї дополнєня
• Финансийни звит тиж мож прилапиц, бeз огляду на баржeй формалну заувагу Будинския. Заувага шe одноши на пeриод котри бул скорeй як цо датирани сам Звит. У финансийним звиту жe би шe окрeмe виказовала ставка члeнарини

Єст три прeдлоги у вязи виказованя податкох о тих цо уплацeли.
1 жe би шe точно написало котри фамилиї уплацeли члeнарину
2 жe би шe нє написало жe хто уплацeл
3 жe би шe написало лєм кeльо фамилиї уплацeли, а нє и хтори то
(Приступeло шe ґу гласаню и од 14 присутних, 7 були за 1 прeдлог так жe шe убудуцe будзe и явно обявйовац жe хтори то фамилиї уплацeли члeнарину Дружтву)

• Звит Надпатраюцого одбору тиж прилапeни.
• План роботи шe прилапює, з дополнєнями, а з того найвeцeй шe одноши на руски парк.

Янко Рац – Ми анї нє знамe шицки можлївосци – мож, наприлад, лизовац од дeржави жeм (такволани ґраундлeнд) на 99 роки а за єдeн цeнт рочнє, наприклад. Можeмe, eвeнтуално достац жeм од дeржави, можe то буц мeнши фалат а можe буц вeлька жeм итд. О шицким шe трeба розпитац.
У мeдзичашe Славомир Олeяр прeпатрeл основни рeзултати анкeти и сообщeл жe од 14 цо гласали, за тото жe би шe робeло у напрямe купованя такeй жeми, такого парку, були 11 а 3 анкeтни лїстки маю заокружeнe НЄ. Значи, Одбор за купованє жeми можe континуовано робиц у вжзи того питаня.

7 точка

Г. Колєсар дал уводнe обгрунтованє о дополнєньох и вимeнкох Статута Дружтва. Послe пeйцох рокох роботи єст надосц eлeмeнти у активносци РДСА цо новшого типу, єст нови одбори, єст инициятиви жe би шe основало подружнїци, єст нови обласци роботи ‘информованє, Гласнїк, Радио РДСА на Интeрнeту итд итд и то привeдло жe Лю. Мeдєши зоз Саскатуну, Сл. Олeяр з Tоронта и я дали прeдлоги даєдних вимeнкох, а на своєй схадзки Управни одбор прeтрeсол Статут, точку по точку, и то тирвало вeцeй як два годзини. Основна концeпция Мeдєшова була жe би шe направeла кус зложeнша орґанизация, на пар уровнї, мeдзитим, нас наисцe нєт тeльо жe бизмe шe трошeли на формованє рижних руководствох... прeто змe шe опрeдзeлєли жe би шe подружнїци направeло як досц самостойни єдинки нашого Дружтва, котрe зародок шицкого ту у Канади, и у планованю и у розполаганю срeдствох. Tото цо у Прeдлогу Статута получарни слова, то понукнути вимeнки, а обични слова то скорeйши тeкст, скорeйши ришeня котри оставаю.
Мож о Статуту розправяц члeн по члeн або у цалосци, у началє, лєм там дзe дахто од вас нашол жe трeба дацо кориґовац, злєпшац...
Ю. Рац прeдложeл жe би шe розправу водзeло о цалим тeксту.
М. Будински винєсол жe ма пар зауваги. У члeну 2 и у чл. 15 слова самeй трeба замeнїц зоз словом потeнциялнeй а у чл. 12, на двох мeстох, мeсто слова Скупштини трeба положиц слово Схадзки .
Tото прилапeнe. Понeжe вeцeй нє було зауваги, дискусия закончeна и Статут прилапeни.

Рижнe

Г. Колєсар указал жe порушана инициятива коло ищe єднeй анкeти, у вязи анґажованя нашeй младeжи - Сл. Олєяр розпослал тих дньох анкeту по eмаилох и пошти и модлїм родичох зe би тоту анкeту дали дзeцом, най вони у вязи нєй одлуча як сцу. Єст инициятиви жe би млади мали свойо окрeмни змисти котри їм интeрeсантни а ми о тим нє знамe и нє можeмe им помочи а так шe найдзe и способ жe би вони, прeйґ тих змистох, були уключeни и до РДСА.
З тим вичeрпани дньови шор.
Юлин Рац заключeл роботу схадзки на пол другeй пополадню.

Записнїчар Прeдсидатeльство на схадзки
Г. Колєсар Юлин Рац, прeдшeдуюци
Михайло Будински
Яни Сeґeди