Sahir Ludhianvi
Duniya ne tajrubaat-o-havaadis ki shakl mein
Jo kuch mujhe diya hai lauTa raha hoo mein

1. AndhereN
2. Kabhi kabhi
3. Faraar

1. AndhereN

   1. Kuch aur badh gaye andhereN to kya huwa
      Maayoos to nahi hai tulu-e-sehr (dawn) se hum
      
      
   2. Le de ke apne paas fakat ek nazar to hai
      Kyo dekhe zindagi ko kisi ki nazar se hum
      
      
   3. Maana is zameeN ko na gulzaar (garden) kar sake
      Kuch khaar (thorns) kam kar gaye, guzre jidhar se hum
      
      

   Kabhi kabhi

   Kabhi kabhi mere dil mein khayaal aata hai....
   
   Ke zindagi teri zulfoo ki narm cha'aoo mein
   Guzarne paati to shaadaab (delightful) ho bhi sakti thi
   Yeh teergi (darkness) jo meri zist (life) ka muqaddar hai
   Teri nazar ki sha'aoo (rays, beams) mein kho bhi sakti thi
   
   Ajab na tha ke mein begana-e-alam ho kar
   Tere jamaal (beauty) ki re'naaiyoo (delicacies) mein kho rehta
   Tera gudaaz (well-mixed) badan teri neem-baar (half open) aankhe
   Inhee haseen fasaanoo mein mahoo (engrossed) rehta
   
   Pukaarti mujhe jab talkhiyaa (bitterness) zamaane ki
   Tere labo (lips) se halaawat (sweetness) ke ghoont pi leta
   Hayaat cheekhti phirtee barhana-sar (uncovered head), aur mein
   Ghaneri zulfoo ke saaye mein chup ke ji leta
   
   Magar yeh ho na saka aur ab yeh aalam hai
   Ke tu nahi, tera gham, teri justajoo bhi nahi
   Guzar rahi hai kuch is tarah zindagi jaise
   Isse kisi ke sahaare ki aarzoo bhi nahi
   
   Na koi jaadah (small/narrow) manzil, na roshni ka suraagh
   Bhatak rahi hai khalaaoo (tunnels) mein zindagi meri
   Inhi khalaaoo mein reh jaooNgaa kabhi kho kar
   Mein jaanta hoon meri humnafas, magar yoohi
   
   Kabhi kabhi mere dil mein khayaal aata hai....
   
   

   Faraar

   Apne maazi (past) ke tasaavoor se hiraasa (troubled) hoon mein
   Apne guzre huwe ayyaam (days) se nafrat hai mujhe
   Apni bekaar tamanaaoo pe sharminda hoon mein
   Apni be-sood (useless) umeedoo pe nidaamat hai mujhe
   
   Mere maazi ko andhere mein daba rehne do
   Mera maazi meri zillat ke siwa kuch bhi nahi
   Meri umeedoo ka hasil meri kaavish (research) ka sila
   Ek benaam aziyat (torment) ke siwa kuch bhi nahi
   
   Kitni bekaar umeedoo ka sahara le kar
   Maine aiwaan (palace) sajaaye the kisi ke khaatir
   Kitni be-rabt (unfulfilled) tamanaoo ke mabham (hidden) khaake (sketches)
   Apne khwaaboo mein basaaye the kisi ke khaatir
   
   Mujh se ab meri mohabbat ke fasaane na poocho
   Mujh ko kehne do ke maine unhe chaaha hi nahi
   Aur woh mast nigaahe jo mujhe bhool gayi
   Maine un mast nigaahoo ko saraaha (approved) hi nahi
   
   Mujh ko kehne do ke mein aaj bhi jee sakta hoon
   Ishk nakaam sahi, zindagi nakaam nahi
   Un ko apna-ne ki khawaaish, unhe paane ki talab (thirst, yearning)
   Shauk bekaar sahi, sa'i-gam (to be sad) anjaam nahi
   
   Wahi ghesoo wahi nazar wahi aarij (lips) wahi jism
   Mein jo chahoo ke mujhe aur bhi mil sakte hai
   Woh kawal (lotus) jin ko kabhi un ke liye khilna tha
   Un ki nazroo se bahut door bhi khil sakte hai
   

   

Home