8/30/2001

老頑童 > o個個根本就係〝紅毛女色魔〞!!!古仔o係第二場第一次搵觀眾上台合唱《男朋友》時有個15歲女仔上台，開頭都幾乖幾斯文，但原來都好大膽，古仔照台詞問佢有冇男朋友，佢居然叫古仔做佢男朋友，古仔窒o左一窒話自己好大喎，點知佢話唔介意，攪到古仔有o的尷尬唔知點接落去，所以唱歌時古仔都好有警覺性咁保持距離，後來見o個女仔都無乜點就照安排咁拖住佢手邊行邊唱咁唱o左一段，唱完古仔問佢有乜o野要求，個女仔就好直接咁要求咀古仔，咁古仔唯有比佢咀o左一啖，不過呢個女仔都算有禮貌同尊重古仔，所以都唔算過份....但o個隻自認18歲o既〝紅毛女色魔〞就完全唔同，古仔唱《新手戀愛》時請佢上台，古仔o係台上話見佢一直企o係台前好大聲咁唱《男朋友》，諗住佢識自己D歌，佢又博命舉哂手要上台，所以古仔先至揀佢上台，點知呢隻色魔上台後真係好色迷迷咁望住古仔，一o的都冇誇張，真係上台咁耐對眼都冇離開過古仔塊面，又話唔識唱，每個上台o既觀眾都坐o係張高椅度唱，而古仔就企o係度，最後古仔都頂佢唔順話佢真係一o的都唔識唱，所以古仔索性收番佢隻咪，費事叫佢唱，但又唔可以由得佢坐o係度等古仔唱完，所以就又拖住佢隻手邊行邊唱，當時古仔貼住台邊行，隻色魔o係裏面行，點知當古仔正在好專心咁唱時，隻色魔突然哄個頭埋古仔塊面度要咀古仔，古仔當堂嚇到即刻向外閃，但佢企貼台邊，所以成個人有半個身拗o左出台外，差o的跌落台，攪到全場所有觀眾大叫，而古仔企定後即刻放手唔敢再拖住隻色魔，等到古仔唱完後，隻色魔又再想咀古仔，不過今次古仔有哂警剔，所以古仔立刻人向後移仲伸隻手擋住，然後古仔講：〝你究竟想點先？你、你、你講清楚你究竟想點？〞仲將個咪〝隊〞過去，隻色魔就話要咀古仔，現場古迷當然立刻大聲反對，但古仔見唔比佢咀佢一定賴死唔肯落台，所以好勉為其難咁答應，隻色魔就立刻好唔客氣咁雙手攬住古仔條頸成個人撲上去咁好大力咀o左古仔一下，咀完o左古仔拿拿聲〝請〞佢落台，佢仲懶依依不捨咁，然後古仔跟住做o左一個全人類都笑o既動作（除o左隻色魔），就係古仔用手掌好大力咁捽塊面比色魔咀過之處，而且面部表情都唔知點形容至好，古仔個表情似十足o的細路仔唔肯比大人錫，但又無力反抗被迫就範之後好唔憤氣咁捽面個樣o勒!當堂笑死我o地，古仔o的真性情真係好鬼死可愛!!!隻色魔落台後一樣企係大堂正中唔返埋位，之後古仔一直唔理佢，要向觀眾派相同握手時，一見到色魔個影都即刻避開去，點知隻野o係古仔唱完o左演唱會都仲未癲完，一味同o的工作人員嘈話要見古仔，佢居然話古仔頭先應承o左同佢傾計，應承比佢上房傾計，好彩大家都知發生o左咩事，o的華人保安都反駁佢話冇咁o既事，叫佢走，而o的鬼佬保安都問o的華人保安究竟發生咩事佢嘈成咁，然後o的鬼佬保安都睇唔過眼話佢都上過台又咀過古仔，唔應該係度再嘈要佢走。連老頑童個o個o係大西洋城做野o既朋友都話未見過隻女色魔咁狼，居然可以夠膽o係眾目睽睽之下去〝擒〞古仔，搞到我聽到都唔知點答......淨係覺得古仔好慘，比人強吻完仲要比人屈，如果咁橋有老作記者o係度，咁一定又多o左一單水洗都唔清o既〝緋聞〞咯~~~~ (01/08/30 12:43:06)
小琳 > ....>_<....氣憤! (01/08/30 13:35:56)
NET NET > 有冇那女色魔的相啊??? 我想睇啊~~~ (01/08/30 15:30:40)
Erica > 我都想睇o下o個女色魔o個樣係點!! (01/08/30 15:55:50)
sam > 錫古仔都算正常
一陣遇到D威脅古仔生命危險既FANS就死啦
做偶像真係慘同煩呀....尤其古仔呀.....
(01/08/30 20:09:54)
昕 > 唔知呢位色魔有冇上過黎呢度呢?大部分古迷都唔妥佢架啦，唔知醜呀 (01/08/30 23:26:20)
Haman > LEE隻咁o既變態女色魔,真係人人得以誅之,要佢唔好話比人知自己係古仔fans添啊,影衰晒!唔講就由是可,一講就把鬼火啊,真係要call消防處來救一救LEE度D火啊,仲要call埋警署來拉左隻色魔啊,真係離晒譜架!!!!!好忟啊........ (01/08/31 00:06:12)