படம்: வாழ்க்கை வாழ்வதற்கே

இயற்றியவர்: கண்ணதாசன்

பாடியோர்: P B ஸ்ரீநிவாஸ் - P சுசீலா



ஆற்றோரம் மணலெடுத்து

அழகழகாய் வீடுகட்டி

தோட்டமிட்டு செடி வளர்த்து

ஜோராக குடி இருந்தோம்



குடியிருந்த மணல் வீடு

மழையினிலே கரைந்ததம்மா

கொண்டு வந்த ஆசையெல்லாம்

வந்தவழி சென்றதம்மா

அவளிருந்த மனதினிலே

இருளிருந்து வாட்டுதம்மா



சங்கத்திலே தமிழ் வாங்கி

தங்கத்திலே எழுதிவைத்தேன்

கங்கையிலே படகுவிட்டு

காதலிலே மிதந்து வந்தேன்

பாதியிலே பிரித்து விட்டு

படகு மட்டும் சென்றதம்மா



பத்து விரல் மோதிரமாம்

பவழ மணி மாளிகையாம்

எத்தனையோ கனவுகளாம்

எவ்வளவோ ஆசைகளாம்

அத்தனையும் கலைந்ததம்மா

ஆசை நிலா எரிந்ததம்மா



கல்யாணம் ஊர்வலமாம்

கச்சேரி விருந்துகளாம்

ஊர் முழுதும் திருநாளாம்

உலகமெங்கும் மணநாளாம்

உலகத்திலே நான்கு கண்கள்

உறங்காமல் விழிக்குதம்மா