ஓம் சிவமயம்

அத்துவிதப் பொருள் காப்பாம்
 

அத்துவி தப்பொருள் காப்பாம் - எனக்

கடியார்க ளென்றென்றுங் காப்பாம்

சித்தருந் தேவருங் காப்பாம் - என்றன்

சித்தத் திலங்குந் திருவருள் காப்பாம். (அத்து) 1



அட்ட வசுக்களுங் காப்பாம் - எனக்

கானந்த மான பராபரன் காப்பாம்

எட்டுத் திசைகளுங் காப்பாம் - எனக்

கெங்கும் நிறைந்த சிவசக்தி காப்பாம். (அத்து) 2



பிராண னபானனுங் காப்பாம் -என்னைப்

பிரியா திருக்கும் பிரணவங் காப்பாம்

அராவணி வேணியன் காப்பாம் - எனக்

கருளை யளிக்குங் குருபரன் காப்பாம். (அத்து) 3



பஞ்சாப் புலன்களுங் காப்பாம் - என்னைப்

பரவு மடியவ ரனுதினங் காப்பாம்

குங்சர முகத்தவன் காப்பாம் - நல்ல

குழந்தை வடிவேலன் என்றென்றுங் காப்பாம். (அத்து) 4



சந்திர சூரியர் காப்பாம் - எங்குந்

தங்கு முயிர்க ளனைத்துமென் காப்பாம்

மந்திரந் தந்திரங் காப்பாம் - நான்கு

மறைகள் சிவாகமம் மாநிலங் காப்பாம். (அத்து) 5