صدقيني.. ما صديت ولا نكرت ولا نســيـــت

صــدقيني كل هم لي غـــدا له سألــفـه

انثريني للــمواجع والمحيني لا بكـــيــت

وان بغيتي تذبحيني لا يهمك .... وألـــفه

لا تقوليني غديت .. ولا تـقــوليني انتهيــــت

اكــتــــبــيــني كلمتين للــقـلوب النازفه

وان ذكرتي .. اذكريني بين حي وبين ميـــت

وان خذلك الكون بعدي ... اعرفيني العارفه

ذي جروحي .. ذا أنيني واسمعيني ما شكيت

صمتي الرحلة الطويلة ... لا ولانـــي خايفه

علمتـني كل صرخة تسكن بروحي ورضيت

وصدقيني .. ما انحنيت مثل ما أنتي شايفه

ويوم خاوتني المواجع اكتـفــت بي واكتــفيت

ذاك صمتي حالفٍ لي ما يخــــــون الحالفه

وإن قدرتي تفهميني ما خذيت ولا عـطـــيــت

حتى قلبي ما بقـى لي شـــتــته العاصفة

همس

عوده