وش عـندنا لك ترتجي

لا أنا .... أنا

ولا الزمان هـو الزمان

ولا القلوب ذيك القلوب

اللي توقد لك شهور

تقدر تعود .... ترجع تولي اوتذوب

فوق الغيوم .... غابت نجوم

تركت على عمري رسوم

تحكي لطلاب الهوى .... قصة نوى

قصة كتبناها سوآ ....

أنت بجفا .... وأنا بعذاب

توك تجي .... لا... لا تجي

خلك كـذا .... خلك شذا .... من دون زهور

موجة على ظلمة بحور

خلك على مر الزمن .... لحن وشجن

عشته معاك .... ساعة هواك

أحسن تروح عني بعيد ....

أخاف تجيني وأجرحك

لا .... لا تجي .

خالد الفيصل

عــــودة