--------------------------
Courtesy ---- Virender Singh 
-----------------------------

yeh document, yeh meetings, yeh features ki duniya, 
yeh insaan ke dushman, long-hours ki duniya
yeh deadlines ke bhooke, management ki duniya; 
yeh Product agar ban bhi jaaye to kya hai?

yahaan ek khilona hai programer ki hasti
ye basti hai faticher bug-fixers ki basti
yahaan par to raises hai, inflation se sasti 
yeh Review agar ho bhi jaaye to kya hai? 

har ek jism ghayal, har ek rooh pyaasi
dimaagon mein uljhan, dilon mein udaasi
yeh office hai ya aalame badhawaasi
yeh Release agar ship ho bhi jaaye to kya hai?

jalaa do ise, phoonk daalo yeh documents
mere saamne se hataa do yeh computer
tumhaara hai tumhi sambhaalo yeh office
yeh Product agar chal bhi jaaye to kya hai?