a nazm a month
khazana-e-urdu
bazm-e-urdu
yuk lakHt badalti hui aalum ka samaN chal
ik aag lagayi hui larzaaN va tapaN chal
jaati hui dunia-e-chaman ki nigraN chal
aati hui raNginiyoN sey jalwaH fishaN chal
ai baad-e-kHizaaN, baad-e-kHizaaN, baad-e-kHizaan chal
ai baad-e-kHizaaN chal
gHunche ko chaman meiN jo chatakna ho chatak ley
jiss rang ko gulshan meiN chamakna ho chamak ley
gar husn-e-gulistaN ko damakna ho to damak ley
kuchh din kamar-e-baad-e-bahaari lachak ley
ai baad-e-kHizaaN, baad-e-kHizaaN, baad-e-kHizaan chal
ai baad-e-kHizaan chal
badmastiyoN ka daur guzar jai, guzar jaaye
barg-o-gul va sabzaH ka charHa nasha utar jaaye
yeh bazm-e-chaman soo-e-adam kHaak basar jaaye
sheeraazaH-e-gulzaar bikhar jaaye, bikhar jaaye
ai baad-e-kHizaaN, baad-e-kHizaaN, baad-e-kHizaaN chal
ai baad-e-kHizaaN chal
phooloN ke chiragHaaN ko bujha dey to bujha dey
aatey hi gulistaaN meiN ik andher machaa dey
har phool ko ik nikhate-e-barbaad bana dey
gulzaar ka gulzaar lutaa dey to lutaa dey
ai baad-e-kHizaaN, baad-e-kHizaaN, baad-e-kHizaan chal
ai baad-e-kHizaaN chal
arbaab-e-chaman ko kafan-e-kHaak urHati
baaleedgi har zarrey meiN aati hai chhupati
tu marg-e-nibataat hai to rooh-e-nibaati
ya jaan-e-namo mauj-e-fana ban ke hai aati
ai baad-e-kHizaaN, baad-e-kHizaaN, baad-e-kHizaan chal
ai baad-e-kHizaaN chal
a nazm a month |
khazana-e-urdu |
bazm-e-urdu |
|