სად არის? (თემურ ქემოკლიძეს)
წამები, წუთები, დღეები,
საათებს მოუკვდა პატრონი!)
მოთქმა და გოდება: "ვაჰ,
დრონი”,
სისხლისგან დაცლილი ტყვეების..
ბედი_ დამოკლეს
მახვილივით,
სული_ საძოვარი ტროას
ცხენის,
გლახაკთ უმღერიათ: "დროა
ჩვენი",
(ვით ბუღის, ეს ესაა დაყვერილის?!)
აკვანი_ ვერასოდეს
დარწეული,
პოეტნი_ ჩანასახში
ჩაკლული,
თასი გრაალისა_ ნაკლული,
ლომ-ვეფხვი_ წიგნიდან
გაქცეული...
სიზმარი ცხადია, თუ სიზმარი?
(არც ერთს აღარა ჰყავს პატრონი)
ორგიულ როკვათა თეატრონი,
ვამპირთა დღე არის, ცისმარე...
მართალი მტყუანია და მტყუანი_ მართალი,
სრულიად გადაგვარდა სისტემა ათვლის,
არის დრო მოსვლის და დრო არის წასვლის,
(ლუციფერს უწოდეს ბრწყინვალე სარდალი)
ეს ძველი ნამღერი, რა არის ახალი?
_უზმოზე სადილი, ვახშამზე სამხარი,
(ახალი ძველით თუ ძველი ახლით?)
სახლი დერელიქტი, ის ძველი სახლი...
გიორგი
ყველაშვილი
|