Way de biyi biye, lemin biye! 
               Alay onte ma ser, tabur bêrde Borginiye ser 
               Seyd Uşe teslim biyo, kheleka Dersimia osnene rijiye 
               Seyd Uşe berdo, nêberdo, kheleka Dersim owe de şiye 
               Seyd Uşe vano, Duzgi çinare veng nêkeno! 
               Asir kotê tufong, erzene, way lemın phoşta Asm u Jiaru ra 
               Seyd Rıza vano, Seyd Use ma zerre haq xori dazno, 
               Jiayaru vere ho carno hetê mara 
               Vano, "zerrê mı terseno, yê mınê to nafa sıcımo, dara 
               Sey Uşe teslim biyo, qomo kerdo duzê Şeşanki, 
               Yel-qom dorme de amo pêser, 
               Vano, "Bıra ezo sonu, -way lemın- xatır`ve sıma!, 
               Kotime mêrat vılê Sorpiani, mêrat vetan(welat) mara osa  
               Vetan şirino, 
               hata roza merdêne coru deste ison cira nêbeno 
               Qemer aga vano, Pirê mı, neçe Sultan Süleymanê jê tu ame na dina onderê, şiyê. 
               Endi mine tu dest nêkuno, 
               vay lemın merat rında Kırmanciye 
               Vist u çor saat tamam nêbiye, nisanê idami kerd ma vera. 
               Vist u çor saat tamam nêbiye, nisanê idami kerd ma vera. 
               Aglerê ma - qomo- idam kerdê 
               Way lemın, zalım cendegu ma nêdano. 
               Çifte doxtori amê cendegunê ma kefs kênê; 
               Aqilê Sey Uşên des u dı derecey aqulu ra gırano.